Tiranë – Mijëra qytetarë u mblodhën para Kryeministrisë dhe Parlamentit në një protestë të udhëhequr nga Sali Berisha, e prezantuar si “kryengritje paqësore”. Por ajo që ndodhi në fakt ishte një ditë kaosi dhe dhune, ku qytetarët e thjeshtë u përballën me gaz lotsjellës të skaduar, topa uji dhe dhunë të panevojshme nga policia, pa asnjë respekt për sigurinë dhe integritetin e tyre.
Edhe pse disa individë hodhën molotov dhe flakadanë, pjesa më e madhe e demonstruesve ishin thjesht qytetarë që kërkonin të dëgjohej zëri i tyre. Përkundrazi, reagimi i policisë i ktheu rrugët e Tiranës në një skenë të rrezikshme, ku njerëzit e pafajshëm u dhunuan për të shtypur një protestë që nuk i kanosej askujt.
Si gjithmonë, gazetarët dhe “analistët” u hodhën mbi ngjarjen me komentet e tyre pa sens dhe dramatik, duke e kthyer çdo incident të vogël në një “krizë kombëtare” mediatike. Disa shpikën teorira revolucioni, ndërsa qytetarët përballeshin me sulmin e policisë dhe panikun e krijuar në rrugë.
Në vend që protesta të prodhonte zgjidhje për akuzat ndaj zëvendëskryeministres Belinda Balluku, ajo solli vetëm tension, dhunë ndaj qytetarëve të pafajshëm dhe material për gazetarët që nuk dinë të raportojnë pa e dramatizuar çdo gjë.
Në fund, ajo që prodhoi kjo protestë nuk ishte asnjë rezultat politik, por vetëm kaos për qytetarët, ushqim për media dhe dhunë të paarsyeshme nga policia.